المشاركات

عرض المشاركات من يوليو, ٢٠٢٢
عرض الكل
صورة

لكل الشباب حديثي التخرج ممن يتقدموا للاشتغال فى اى شركه او مصلحة او هيئة من الهيئات خد بالك من الكلمتين دول علشان تريح نفسك طول فترة اشتغالك في الجهة اللي أتقدمت ومضيت على عقد للعمل فيها ..طبعا سواء كان العقد محدد المدة أو عقد عمل غير محدد المدة أنت في الثلاثة شهور الأولى يتبقى تحت الاختبار لك حقوق وعليك التزامات إنما جهة العمل لها مطلق الحرية في استمرارك في العمل أو عدم استمرارك وإنهاء عقد العمل..المهم أول كلمة بتسمعها من الموظف المسئول عن شئون العاملين والتعاقدات إيه ↓ مبروك يا أستاذ أنت أتقبلت للعمل معانا في الشركة ،، أتفضل امضي العقد = تمام بمضي اهو .. ثانية ،، أنت بتعمل إيه ؟؟ = بمضي علي كل ورقة وش و ضهر .. ليه يا أستاذ ،، مفيش مكان للتوقيع في أخر كل صفحة امضي على الصفحة الأخيرة بس ؟؟ = لا يا أفندم أنا عارف حضرتك بتفكر في إيه لكن ده مش هيحصل .. #_المعلومة والفائدة والعبرة من البوست | لما تتعين و تمضي عقد عمل في اى شركه آو جهة امضي علي كل ورقة وش و ضهر ،، متمضيش علي أخر ورقة فقط علشان محدش يزودلك ورقة أو يشيل ورقة .. ولزيادة الأمان والاحتياط بالإضافة إلى التوقيع على كل ورقة بالعقد قفل الفراغات بعمل سطر على نهاية الكلام بسطور بنود العقد لضمان عدم الزيادة ، لان التوقيع على كل ورقه مش ضمان كاف للتلاعب وان كان أحكام محكمة النقض عالجت الأمر ده في الكثير من أحكامها وتركت لمحكمة الموضوع المعروض عليها عقد العمل سلطة الفصل في صحة المحرر الموقع على أخر ورقة منه فقط وقالت إن ↓ الورقة العرفية. حجيتها في الإثبات من التوقيع عليها . اشتمال المحرر على أكثر من ورقة منفصلة ذيلت الأخيرة منه بتوقيعه . أثره . عدم اشتراط التوقيع على سائر أوراقه متى قام الدليل على اتصال كل منهما بالأخرى اتصالاً وثيقاً . استقلال قاضى الموضوع بتقديره. مؤداه. ادعاء الموقع إضافة ورقة أو سلخها واستبدال غيرها بها . سبيله. الطعن بالتزوير الطعن رقم ٢٦٤٧ لسنة ٧٨ قضائية الدوائر المدنية - جلسة ٢٠٠٩/٠٥/٢٣ - وطبعا متنساش تاخد الصورة التانيه اللي تخصك من العقد بعد استيفاء التوقيعات وتخلى بالك لو أنت محام متمضيش على عقد باحث قانوني لان الوصف ده في التأمينات الاجتماعية والمعاشات لا يعتبر من أعمال المحاماة نهائي وبكده النقابة لما بتطلب منك برنت تأمينات بتنزل من فترة عملك في المهنة فترة العمل تحت مسمى الباحث القانوني يعنى لو أنت محام واشتغلت بالشئون القانونية في اى شركة احرص على أن يكون المسمى الوظيفي في العقد هو محام ومش غير كده حرصا على مدة اشتغالك في المهنة بالنقابة علشان معاشك النقابي ميروحش عليك علاوة على احتفاظك دائما بالتوكيل المحرر لك من جهة العمل وعلى كل توكيل يحرر لك بسبب تغيير رئيس مجلس الإدارة أو المسئول عن الشركة وطبعا متمضيش على استمارة 6 مسبقا تحت اى ظرف من الظروف وكما متمضيش على إيصال أمانه بأي مبلغ أو حتى على بياض .. مدير شئون العاملين يقولك أصل هنسلمك عهدة ولازم نضمن حالنا ..قول له الضمان الأكيد ما بنا هو عقد العمل وفقط غير كده دى ناس نصابه متشتغلش معاهم أحسن ميستهلوش تعبك ومجهودك معاهم . .. خلي بالك #حقوق_العمال ..

إرسال تعليق